Пуш уйӑхӗн  31- мӗшӗнче 1 класс ачисемпе  уҫӑ урок  иртрӗ. Вӗрентекен В.Сухомлинский ҫырнӑ «Ҁичӗ хӗр» калава суйласа илни те ахаль мар.  Класс тулашӗнчи вулав урокне Ашшӗпе амӑшӗн ҫулталӑкне халалланӑ.

Вӗренекенсем хайлаври ӗҫ-пулӑмсене хак пачӗҫ, сӑнарсене тишкерчӗҫ, сӑнарпа сӑнара танлаштарса танлаштаруллӑ характеристика турӗҫ. «Ырӑ ӗҫ тунӑ чухне нумай калаҫмаҫҫӗ. Хӑв аннӱне мӗнле юратнине сӑмахпа мар, ӗҫпе кӑтартма тӑрӑшмалла»,-  пӗтӗмлетсе хӑварчӗҫ пӗрремӗшсем.

Пухӑннисем О.Н. Копташкина  вӗрентекен уҫӑ урока паянхи ҫӗнӗ технологипе усӑ курса, методика тӗлӗшӗнчен ҫӳллӗ шайра ирттернине палӑртрӗҫ. Уҫӑ урокпа  хӑнасем те, вӗренекенсем те, ашшӗ-амӑшӗ те кӑмӑллӑ юлчӗҫ.