Чăваш Республикин вĕренÿ институчĕ йĕркеленипе 2023 çулхи нарăс уйăхĕн 01-мĕшĕнчен пуçласа пуш уйăхĕн 10-мĕшĕччен Петĕр Хусанкай поэт çуралнăранпа 115 çул çитнине халалласа вĕренекенсен пултарулăхĕн «Хусанкай вулавĕсем – 2023» фестивалĕ иртрĕ.

Фестивале Чăваш, Тутар, Пушкăрт Республикисенчен пĕтĕмпе 439 ача хутшăнчĕ. Вĕсем хăйсен пултарулăхне Петĕр Хусанкайăн сăввисене чăвашла, тутарла, вырăсла вуласа кăтартрĕç.

Асанкасси вӑтам шкулӗнче вӗренекенсем те хастар хутшӑнса призерсен ретне кӗме пултарчӗҫ. Вӗсем ҫаксем: Калюкова Регина (4-мӗш класс, ертӳҫи Калюкова А. Н.), Чернов Виталий (10-мӗш класс, ертӳҫи Чумакова Г. Н.). Никитина Даша (4-мӗш класс), Пикеев Константин (7-мӗш класс) сертификата тивӗҫрӗҫ.

Мероприятие хутшăннă пур ачана та, вĕрентекене те тав тăватпăр.  Çĕнтерÿçĕсене саламлатпăр, вĕренÿре ăнăçу, хастарлӑх сунатпӑр.