Хастарлӑ, хыт утӑмлӑ пулӑр, 

Ҫӗршывӑн хастар ачисем.

Вут кайӑклӑн вӗҫӗр, ан юлӑр,

Ан юлӑр кун-ҫул уттинчен.

                                           (Ҫеҫпӗл Мишши)     

Умра - черетлӗ паллӑ кун: 2024-мӗш ҫулхи чӳк уйӑхӗн 16-мӗшӗнче Ҫеҫпӗл Мишши поэтӑмӑр ҫуралнӑранпа 125 ҫул ҫитет. Ахаль поэт мар вӑл - хӑй халӑхӗ ятӗнчен пӗтӗм тӗнче умӗнче сӑмах калама хӑраса тӑман кӑвар чӗреллӗ генилле поэт, революци кӗрешӳҫи, сӑвӑ ҫырма вӗрентекен правилӑсен авторӗ т.ыт.те.

Чӳк уйӑхӗн 12-мӗшӗнче Асанкасси ял библиотекинче кӑвар чӗреллӗ поэт Ҫеҫпӗл Мишши ҫуралнӑранпа 125 ҫул ҫитнине халалланӑ "Кӑвар чӗреллӗ Ҫеҫпӗл Мишши" литература сехечӗ иртрӗ. Унта вӑтам шкулта 6-мӗш класра вӗренекенсем хутшӑнчӗҫ. Ҫеçпӗл Мишшин пурнӑҫӗпе пултарулӑхӗн тӗп енӗсемпе чӑваш чӗлхине вӗрентекен Г. Н. Чумакова презентаци кӑтартса паллаштарчӗ. Унӑн сӑввисене вуласа пачӗ.

Вӗренекенсем Ҫеҫпӗл Мишшин сӑввисене илемлӗн вуласа янӑраттарчӗҫ.